واحه ابوعمار
اهلا بك ضيفنا الكريم نتشرف بانضمامك لاسرتنا والتسجيل فى منتدانا
تقوم الاداره بتفعيل تسجيلك فى المنتدى فى خلال 24 ساعه
ادخل غرفه الدردشه(الشات) فى اسقل الصفحه الرئيسيه او البوابه وتواصل مع باقى الاعضاء


منتديات عامه تشمل كل انواع المعارف والعلوم والانشطه
 
الرئيسيةالبوابةمكتبة الصوراليوميةس .و .جبحـثالأعضاءالمجموعاتالتسجيلدخول
تقوم اداره المنتدى بتفعيل تسجيل الاعضاء خلال 24 ساعه

شاطر | 
 

 الشاعر الكبير حامد زيد و قصيدة الجمهرة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
aboamar
Admin
avatar

عدد المساهمات : 391
تاريخ التسجيل : 04/10/2009
العمر : 54

مُساهمةموضوع: الشاعر الكبير حامد زيد و قصيدة الجمهرة   الخميس 06 يناير 2011, 07:11



وهذه هي كلمات القصيده لمن لا يستطيع فهم لهجه الشاعر

قصيده الجمهره للشاعر حامد زيد

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بها الزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندقه اللي ماتثور في هدفها تذعره

ودك لي يا من جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلدتهم صدري على ذكرى قصيد وحنجره

صوت ٍ يصول بمنبره وخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولا زرق حزني على غالي ولا فج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ما شفت للطيب اثمره

والله ما حطيت بين الحقد و الخوه حجاب
حتى غدوا ربعي يحدوني على الضيق أشكره

البارحة ثارت علي رقاب وأوتني رقاب
البارحة يا ثقل دم البارح ويا محقره

أهب يا وجه الحسد و شلون جمعهم وغاب
كيف السنين اللي عطتني بعثرتهم بعثره

أثر المصايب ما تجيك إلا من الناس القراب
وبها الزمن حتى الرفيق اللي تثق فيه أحذره

لا بارك الله في رفيق ٍ تزعله كلمة عتاب
و لا جمع الله الرجال اللي تفرقهم مره

عوّدت نفسي كل ما شددت لليمّه ركاب
مأ صد وجهي عن طريق إلا لياجبت خبره

الصاحب اللي ما يجي من صحبته غير العذاب
نذر ٍ علي إن ما هجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي ما يقدر خوتي ما أقدره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

انا جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

ماكنت أحاتيهم صغيّير ..عاد أحاتيهم شباب
ان ما دخرنى صاحبى لليوم الأسود ما أذخره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره
ا
للي يخاف من الظما يترك لنا طرد السراب
واللي ماهو بقد الظلام ووحشته لايسهره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعالمٍ ماتستحق المغفره

انا أكثر أنسان تعلم من كثر ماأخطأ وصاب
انا أخر لسان يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيبت فى عقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي حوالينى ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحضيض. الطلقه اللي ماتصيبه تذعره

ودك يا من جاتك الغلطه من الناس القراب
الصاحب اللي ماكسبت محبته ماتخسره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://atar.ahlamontada.com
 
الشاعر الكبير حامد زيد و قصيدة الجمهرة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
واحه ابوعمار :: ركن الهوايات :: فيديو أعجبنى-
انتقل الى: